雜菜雞煲

天氣開始凍,

最好食熱辣辣煲仔菜嘞！

煲粥炒麵

今日唔煮飯,

炒咗雞絲意粉配粟米花生瘦肉粥！

檸檬雞翼

终於都有番啲檸檬,

雖然仲係青青地未轉哂黃色,

都摘咗隻嚟整檸檬雞翼,

個 tagine 解封就要用盡佢嚟做無水煮食！

數字排骨

又用 tagine 嚟玩無水煮食呀！

食晏@翠華

華人社區服務中心嘅姑娘家訪後,

我地就出街食晏,

呢輪多數去飲茶,

食嚟食去都係嗰啲,

今次唔飲茶啦,

去幫襯港式茶餐廰,

食完晏,

行去 Chemist Warehouse 入定啲丸仔走水貨,

點知,

呢度嘅藥房都淪陷了,

可能啱啱有旅行團到啦,

人太多都係下次先再嚟過！

雜錦咖喱雞煲

一睇煮雜錦梗知係清雪櫃時間嘞！

樣樣一啲就煮出一大煲呀！

蟲草花蒸滑雞

上次返香港時買咗包蟲草花,

而家先拎出嚟食,

第一次整,

一浸水就即刻成碗黃水,

嚇死我,

以為唔知買咗啲乜黑心貨,

即刻 whatsapp 啲腦友,

佢地話係咁嘅喎,

咁我先敢食咋！

照燒排骨

個 tagine 太耐無用 ,

可以加入封塵榜了！

今日将佢解封,

就用 tagine 嚟玩無水煮食！

自家製㸃心

點心唔係我整架,

係新抱仔老爸嘅自家製,

今日下午茶有靚點心食！

又係叉燒

易家靚靚叉燒又出爐啦！

滷水雞髀

摷下冷宮,

見到樽陳年滷水汁,

係時候將佢解凍啦！

試車

大老爺约咗今日去試車,

大老爺鍾意呢隻藍,

我話呢隻炭灰色都唔錯

試完 WRX, 再試埋 Forester XT,

其實我鍾意 Forester XT 多啲,

但係大老爺話試埋 福士 GTI 先決定買邊架喎！

沙嗲牛肉煲

趁天氣未凍,

啲香茅重生得好茂盛,

唔好暴殄天物,

要勤啲摘咗嚟煮餸.

蒜香豬面肉

又見到有豬面肉賣 ( 豬頸肉 ),

即刻入咗２kg,

試過用嚟炒, 

un 咗啲,

都係焗好食啲呀！

越式椰汁青口

一係唔煮, 

一煮就煮多啲去祭下大老爺嘅五臓廟,

煮到啱啱熟,

又滑又 creamy,

好正！

清蒸盲鰽

兩位少爺從小就唔鍾意食蒸原條魚,

魚生, 炸魚嗰啲佢地又食喎,

而家佢地搬走哂,

咁蒸魚又喺易家廚房出現嘞！

晚飯@舊街

大少爺和二少爺搬咗過去奶奶舊居,

好近我地架,

行五分鐘就到！

搬完屋,

大少爺話好耐無喺呢頭食飯,

想去 O'town 試下,

食完後大少爺話好食喎！

粉絲蒸排骨

以前蒸粉絲排骨,

只係將啲粉絲浸軟鋪喺排骨下面蒸,

感覺效果唔係咁好,

今次試下另一方法,

功夫多咗,

但好食得多！

雜菜炆雞

大老爺執酒櫃,

執咗樽開咗嘅白酒出嚟,

唔知邊個開亦唔知開咗幾耐,

試過無变味,

大老爺叫我拎去煮餸！

大蝦粉絲煲

又係要臨時加餸,

好在冷宮長期有存貨,

拎啲澳洲無頭蝦嚟煮粉絲煲.

香蒜南乳燒雞

有人問一雞２食有冇下文,

一定有啦,

另外嗰半隻雞整咗香噴噴嘅香蒜南乳燒雞！

材料：

雞半隻

醃料：

南乳一塊搓爛

蒜粉一茶匙

蒜鹽一茶匙

玫瑰露酒一湯匙

生抽一湯匙

做法：

雞用醃料醃４小時或過夜

入預熱 180C焗爐焗 40 分鐘即成

香麻手撕雞

仲有一隻過年前買嘅特價雞,

太大隻,

我又玩一雞２吃,

斬咗半邊雞嚟整手撕雞！

香茅雞翼

今年啲香茅都生得好茂盛,

咁我又要多啲利用啲香茅嚟煮餸嘞！

肉醬長通粉

早一輪,

超市９蚊兩盒 500g 雞肉碎,

見到即買啦,

今次就用雞肉碎煮肉醬,

雪櫃仲有一隻翠玉瓜,

切埋落去煮,

再加埋後園新鲜摘嘅 basil,

好味！

不一樣的腿蛋米

上次整完非一般腿蛋麵,

今次玩腿蛋米！

下次再嚟玩腿蛋飯！

炒紅薯粉

買咗包紅薯粉幾個月,

因為未煮過,

所以一直唔敢嚐試煮嚟食,

今日终於啲起心肝,

如果唔好食就唔再買！

白菌雞球大鑊飯

大老爺鍾意食大鑊飯,

擇日不如撞日,

今日就煮鑊飯佢嘆！

番茄煙肉炒蛋

雪櫃有隔夜餸,

唔想再煮肉,

簡簡單單清炒菜,

再加多個炒蛋,

今餐打斧頭！

燒排骨

每次醃燒排骨嘅醃料都有啲出入，

其實係因為我見到就手就攞邊樣醃粉，

攞咗出嚟先諗其他配料！